Nagsagawa umano ang Saudi Arabia ng ilang hindi inihayag na airstrikes laban sa Iran bilang ganti sa mga pag-atake sa kanilang teritoryo sa gitna ng umiigting na digmaan sa Middle East, ayon sa mga Western at Iranian officials na may kaalaman sa usapin.
Ayon sa ulat, isinagawa ng Saudi Air Force ang mga strike noong huling bahagi ng Marso, at ito umano ang kauna-unahang pagkakataon na direktang umatake ang Saudi sa loob ng teritoryo ng Iran. Hindi pa natukoy ang eksaktong target ng mga operasyon.
Sinabi ng mga opisyal na ito ay “tit-for-tat strikes” bilang tugon sa mga naunang pag-atake sa Saudi Arabia, habang tumanggi naman ang Saudi at Iranian foreign ministries na magbigay ng direktang kumpirmasyon sa insidente.
Ayon sa mga ulat, ang mga pag-atake ay nagdulot ng mas malawak na tensyon sa rehiyon, kung saan pati ang ibang Gulf states ay napaulat ding nagsagawa ng military responses laban sa Iran kasabay ng lumalalang hidwaan.
Gayunman, kalaunan ay nagkaroon umano ng diplomatic engagement sa pagitan ng Riyadh at Tehran, na humantong sa kasunduan na mag-de-escalate upang maiwasan ang mas malawak na regional conflict.
Ayon sa mga analysts, ang sunod-sunod na hakbang ay nagpapakita ng mas agresibong postura ng mga Gulf states sa gitna ng patuloy na tensyon, ngunit nananatili ring mahalaga ang diplomatic channels upang mapigilan ang paglala ng digmaan sa Middle East.
