Dae mababa sa 7 katawo, kabali an 3 aki, sa nagadan makalihis tamaan nin drone an sarong matawong beach sa Arkhipo-Osipovka sa Krasnodar region kan southern Russia.
Segun sa mga awtoridad, nagpakol sa 40 ang irido, kun sain 17 an dinalagan sa ospital.
Inakusaran kan gobernador kan Krasnodar an Ukraine kan sinasabing “deliberate strike on civilians,” alagad mayo pang pahayag an Kyiv manungod sa insidente.
Sa mga video na naghihiras sa social media mahihiling na buminagsak an drone sa baybayon asin nagsabog mantang kadakol na turista an nasa gilid-dagat asin nagkakarigos sa dagat.
Dae pa malinaw kun ano an target kan drone. Segun sa report, posibleng buminagsak ini sa dagat makalihis maapektuhan kan electronic jamming o matamaan kan air defense kan Russia.
Segun sa mga nasa lugar mayo suboot nag tanog na siren antes nangyari an insidente. May pirang testigo an nagsabing nagtago sinda sa likod kan mga beach chair mantang an iba man an nakadangog nin sunod-sunod na putok antes an makusog na pagsabog.
Padagos an ribayan nin long-range attacks an Russia asin Ukraine sa tahaw kan nagpapadagos na labanan. Sa nakalihis na taon, pinahiwas kan Ukraine an mga pag-atake sa laog kan teritoryo kang Russia na nakatuon suboot sa imprastraktura asin mga pasilidad na may katakod sa militar kan nasyon.
