NAGA CITY- Pigpuonan na kan Police Regional Office Bicol an implementasyon kan direktiba ni Philippine National Police (PNP) chief, Gen. Nicolas Torre III mapadapit sa five-minute response time strategy sa Rehiyon.
Sigun ki PRO-5 Director, Brig. Gen. Andre Dizon, an pitong siyudad sa anom na probinsiya sa Bicol Region pig-adaptar an bagong response scheme, na obhetong magkriar nin mas responsive, moderno, asin mas harani sa tawo na polisiya.
An mga siyudad na ini an kinababalihan kan Ligao, Legazpi, asin Tabaco sa Albay; Iriga City asin Naga City sa Camarines Sur; Masbate City sa Masbate; siringman an Sorsogon City sa Sorsogon province.
Pigsaysay pa ni na an mga banwaan asin iba pang liblib o hararayong areas sa Rehiyon an exempted sa nasambitan ng five-minute response requirement huli sa tactical na konsiderasyon.
Katakod kaini, tanganing mas mapamarhay pa an kapasidad kan mga kapulisan, plano kan saindang kabuhan na magbakal nin magkakanigong ikipahe.
Kulang soboot kaya sa body-worn cameras, radios, asin lunadan para sa mobility an mga kapulisan sa Rehiyon.
Komo parte kan pinahigot na paglalapigot tanganing maitao an marekas asin epektibong police response sa emergencies asin public safety concerns, saindang pigkudusir an SimEx asin iba pang communication exercises (CommEx).
Sa ngunyan, pigsierto kan opisyal na padagos an saindang pagsunod sa mga bagong deriktiba kan Pambansang Pulisya para sa ikakarahay kan bilog na Rehiyon.
