Nakabalik na nin nasyon an dugang na 75 na mga Pinoy gikan sa Lebanon komo ika-91 na batch kan repatriated Overseas Filipino Workers (OFW’s) huli sa nagpapadagos nakariribokan sa Middle East.
Pigsierto ni Department of Migrant Workers Secretary Hans Leo Cacdac na ligtas na nakaabot sa Ninoy Aquino International Airport (NAIA) an gabos na OFW’s hale sa Lebanon kan nakalihis na aldaw nin Domingo.
Makakaresiber an mga ini nin tabang hale sa gobyerno arog kan DMW asin dagdag na tabang hale sa Department of Social Welfare and Development (DSWD) arog kan financial and livelihood assistance tanganing makapoon giraray digdi sa Pilipinas.
Makakaresiber man sinda nin mga educational vouchers hale sa Technical Education and Skills Development Agency (TESDA) para sa mga skillsets na kaipuhan nindang manudan.
Mientrastanto, nagpapadagos an repatriation program kan gobyerno nasyonal para sa mga OFWs na naipit sa iriwal sa middle east.
