Dawa ngani naghale na sa nasyon si Bagyong Julian, nagdakul pa an bilang kan mga tawong apektado kan mga destrosong kaini.
Susog sa datus kan National Disaster Risk Reduction and Management Council (NDRRMC) nasa 43,093 na pamilya o katumbas kan haros 150,000 na indibidwal an apektado gikan sa 552 na barangay sa Rehiyon 1, 2, asin CAR.
Sa nasabing bilang, labi sa 2,000 katao an temporaryong nagtitinir sa 58 evacuation centers.
Segun pa sa NDRRMC, nagwalat nin 8 na irido an bagyo mantang 1 an nawawara.
Mientrastanto, 23 na syudad asin munisipalidad kan Region 1 o Ilocos Region an nasa irarom sa State of Calamity.
Nairehistro man an 85 na partially damaged na harong asin 3 an totally damaged.
Sa ngonian, padagos an pagtabang kan gobyerno sa mga apektadong lugar na nilamasa kan bagyong Julian kun saen nasa P11-M an naiheras na ayuda kabali na an pagkakan, bado, bulong asin iba pa.
