Igwa nin walong indibidwal an inarestar kan mga otoridad sa Hong Kong sa padagos na imbestigasyon sa pigkundusir na mahewasang kasulo sa Wang Fuk Court na sarong housing complex.
Kaiba man sa mga naarestar iyo an duwang director kan consultancy firm na iyong nagtatao nin abiso sa maintenance works sa lugar magin man an duwang project managers na iyong naghihiling sa trabaho asin man an tulong scaffolding subcontractors asin sarong tagapamagitan.
Enot nang inarestar an tulong katao na duwang company directors asin consultant alagad sinda an pinakawaran man asin pinapabalik sa mga otoridad para sa dugang na imbestigasyon.
Sa ngunyan, nagpakol na sa 128 katao na an kumpirmadong binawian nin buhay mantang igwa nin labi sa 200 pa an nawawara.
Kada pamilya kan nagadanan an makakaresiber nin tig -$25,700 o katampad kan labi sa P1.5 milyon mantang an mga naapektarang harong an makakaresiber man nin haros P400,000.
Nagpapadagos pa man sa imbwestigasyon an mga otoridad sa Hong Kong kun pano nagpuon an kasulo na labi sa duwang aldaw antes ninda dagusan ining matumtom.
