Na-monitor kan Armed Forces of the Philippines (AFP) an 80 Chinese sea vessels sa West Philippine Sea (WPS) sa bilog na bulan kan Oktubre.
Mas hababa ini sa 101 na Chinese sea vessels na naitala kan Setyembre, segun sa AFP.
An mga barkong ini, kabali an mga warships kan People’s Liberation Army Navy (PLAN) asin China Coast Guard (CCG) vessels, namataan sa importanteng maritime features arog kan Ayungin Shoal, Bajo de Masinloc, Escoda Shoal, asin Pag-asa Islands.
Malinaw na ipinahayag ni AFP spokesperson for the WPS, retired Rear Adm. Roy Vincent Trinidad, na an mga aktibidad na ini “ilegal, koersibo, agresibo, at pagiging mapanlinlang,” na naglalapas sa international order asin naghahamon sa sovereign rights kan Pilipinas.
Idinugang ni Trinidad na an padagos na paglapas na ini nagpapalala kan tensyon, kaya padagos an pagbantay asin pagdokumento kan AFP sa mga sightings.
Nakikipag-ugnayan man an AFP sa Department of Foreign Affairs (DFA) dapit sa mga insidente, asin pinapanindugan an saindang mandato na protektaran an maritime domain kan nasyon.
