Naitala an pinakahalangkaw na bilang kan ‘attendance’ sa naganap na ‘Bar Examinations’ ngoniang taon 2026.
Base sa datos kan Korte Suprema, haros ‘perfect attendance’ an pagtatapos o sa ikatolong aldaw kan naturang pagsusulit.
99.9% suboot an numero kan ‘finishers’ o mga nakakumpleto sa tolong-aldaw na ‘2026 Bar Examinations’.
Ini an pinakahalangkaw na bilang nin mga nakakumpleto sa kasaysayan kan Philippine Bar History.
12,010 ‘bar examinees’ an nagdasgos mantang sa huring aldaw poon sa 12,017 kan ‘second day’
Mantang pinuonan naman kaini sa 12,029 first-day turnout nin bar takers kumpara sa rekord na 13,441 admitted apppllicants.
An tulong-aldaw na eksam ginibo kan Setyembre 6, 9, asin 13, sa kaglimang (15) Local Testing Centers sa bilog na nasyon.
Katuyuhan kaini na magin “regionalized, digitalized, asin inclusive” an Bar Examinations, segun sa Korte Suprema.
Pinagseguro ni 2026 Bar Examinations Chairperson Supreme Court Associate Justice Samuel Gaerlan an integridad asin karahayan kan lambang examinee sa bilog na proseso.
Pormal nang ipinasa ni Justice Gaerlan an saiyang responsibilidad ki Supreme Court Associate Justice Ricardo Rosario na iyo an masunod na magigin chairperson kan eksam.
