Bangkay kan sarong menor de edad nadukayan na nagpapataw-pataw sa salog sa Lucena

NAGA CITY- Nadiskobre kan mga residente sa barangay Gulang-gulang sa ciudad nin Lucena an nagpapataw-pataw na bangkay kan sarong tao sa Dumacaa River.

Basado sa imbestigasyon kan mga otoridad, napag-araman na sarong dae pa nabibistong biktima na edad 14 hasta sa 15-anyos an nadukayan na nakahuba asin nagpapataw-pataw sa nasambitang salog.

Sinasabing nagkarigos suboot an biktima sa salog, alas-10 nin aga kan Marso 18 kan bigla na sana ining mawara.

Sa ngonyan, nagpapadagos an imbestigasyon kan mga otoridad tanganing mabistado an nasambitang biktima.