Lalaki pinagsasaksak gadan kan saiyang tugang huli sa dae pagkakasinabutan sa CamSur

NAGA CITY- Gadan an sarong lalaki makalihis na saksakon kan saiyang tugang sa Tigaon, Camarines Sur.

Binisto an biktima na si Raul Dellova, 34-anyos.

Sa nagunong impormasyon kan Bombo Radyo Naga, napag-araman na sinaksak sa daghan kan suspek na si Allan Dellova, 31-anyos an saiyang tugang gamit an kutsilyo.

Sinasabing huli sa dae pagkakasinabutan an rason sa pananaksak ni Allan sa saiyang tugang.

Idinalagan pa kuta na sa ospital an biktima alagad pigdeklarar na ining dead on arrival kan mga doktor.

Mientrastanto, personal man na nagsuko sa hepatura kan mga otoridad an suspek katakod kan nangyaring pananaksak.