Pigsierto kan Office of the Ombudsman na magigin patas an saindang imbestigasyon sa referral kan National Bureau of Investigation (NBI) manungod sa sinasabing nawawarang deklarasyon sa Statement of Assets, Liabilities and Net Worth (SALN) ni Vice President Sara Duterte.
Segun sa Ombudsman, naresibe na ninda an referral kan NBI asin pigsisiguro kan mga ini sa publiko na iimbestigaran an kaso na mayong kolor pulitika.
Masairarom ini sa inisyal na ebalwasyon tanganing maaraman an angkop na mga lakdang, kabali na an mas hararom na imbestigasyon.
Magigirumduman na kan Martes, pig-refer kan NBI sa Ombudsman an saindang fact-finding investigation report manungod sa SALN ni Duterte.
Advertisement
Advertisement
