NAGA CITY- Arestado kan mga otoridad an sarong lalaki makalihis an pigkondusir na buy-bust operation sa Ocampo, Camarines Sur.
Binisto an suspek na si Danilo Mendoza, 42-anyos.
Sa nagunong impormasyon kan Bombo Radyo Naga, napag-araman na alas-8 nin aga ngonyan na aldaw, Marso 29 kan pigkondusir kan mga kapulisan an buy-bust operation sa Poblacion Central sa nasambitang banwaan.
Nakumpiskar sa suspek an sarong sachet nin pigtutubudang shabu asin an kwartang ginamit komo buy-bust money.
Susog sa impormasyon kan mga otoridad, enot nang nagsuko sa hepatura kan kapulisan an nasambitang suspetsado katakod kan programang oplan tokhang kan Philippine National Police (PNP).
Sa ngonyan, nagtitinir na sa kostudiya kan mga otoridad an suspek mantang inaandam na an kasong isasangat laban sa saiya.
