Grade 8 student gadan makalihis na malamos sa sarong public resort sa Quezon

NAGA CITY- Dae na nag-abot pa nin buhay sa ospital an sarong grade 8 student makalihis na malamos sa Sariaya, Quezon.

Sa nagunong impormasyon kan Bombo Radyo Naga, napag-araman na nag-swimming an 14-anyos na solterito kaibanan an saiyang tugang asin pinsan sa sarong public resort sa barangay Castañas sa nasambitang banwaan.

Narisa na sana suboot kan tugang kan biktima na nawawara na ini kaya man tulos sindang naghagad nin tabang sa mga otoridad.

Nadukayan an mayo ng buhay na lawas kan biktima mantang nagpapataw pataw ini sa hararom na parte kan dagat.

Idinalagan pa kuta na sa ospital an solterito alagad pigdeklarar na ining dead on arrival kan mga doktor.