NAGA CITY- Naaagnas na an lawas nin sarong tao na nadukayan sa laod nin sarong apartment sa Hinawasan Interior, barangay San Francisco sa ciudad nin Naga.
Sa entrevista kan Bombo Radyo Naga ki Aldrin Jose Legion, sarong barangay tanod, sinaysay kaini na alas-9:25 nin aga kan magpasiring sa hepatura kan mga otoridad an maysadiri kan nasambitang apartment makalihis na madukayan kaini an bangkay kan babaeng binisto na si Ramona Tolentino, retired assessor suboot sa banwaan nin Camaligan.
Nadukayan suboot an bangkay kan babae harani sa cr sa inaarkila kaining apartment.
Sinasabing tolong aldaw ng dae nagluluwas sa saiyang apartment an nasambitang babae.
Sa ngonyan, padagos pang inaaram kan mga otoridad an posibleng rason sa pagkagadan kan nasambitang babae.
