Barangay tanod gadan makalihis na maaksidente sa Quezon

NAGA CITY- Gadan an sarong barangay tanod makalihis an nangyaring aksidente sa Alabat, Quezon.

Binisto an nagadan na si Hernane Adolfo, 52-anyos.

Sa nagunong impormasyon kan Bombo Radyo, napag-araman na binabagtas kan motorsiklo na minamaneho ni Adolfo an kalabaan kan tinampo sa barangay Bacong sa nasambitang banwaan kan aksidente ining makabangga sa likudan na parte kan padyak kan biktima na si Adonis Alpay, 60-anyos.

Nagsapo nin lugad sa saiyang lawas an suspek na tulos man pigdalagan sa ospital alagad pigdeklarar na ining dead on arrival kan mga doktor.

Sigon man sa imbestigasyon kan mga otoridad hale ini sa sarong meeting kan Federation of Barangay Tanod kan nasambitang banwaan asin pigtutubudang burat an nasambitang suspetsado.