Lalaki tinaga kan saiyang amaon huli sana sa saiyang girlfriend sa Quezon

NAGA CITY- Irido an sarong lalaki makalihis na tagaon kan saiyang amaon sa Real, Quezon.

Binisto an biktima na si Randy Lazo, 31-anyos.

Sa nagunong impormasyon kan Bombo Radyo Naga, napag-araman na pigkompronta kan biktima an suspek na si Pepito Formentera, 42-anyos na nagresulta sa mainit na diskusyon manungod sana sa girlfriend kan biktima.

Huli digdi, pigkua kan suspek an saiyang sundang asin pinagtataga sa saiyang lawas an biktima.

Tulos man na pigdalagan sa ospital an biktima tanganing maipabulong mantang padagos pa an pigkokondusir na operasyon kan mga otoridad tanganing madakop an nagdulag na suspetsado.