NAGA CITY- Irido an duwang grade 5 pupils makalihis na aksidente makuryente sa laog mismo kan saindang eskwelahan sa Libmanan, Camarines Sur.
Sa entrevista kan Bombo Radyo Naga ki PO2 Emy Rose Organis, tagapagtaram kan PNP Libmanan, sinaysay kaini na kukuanon sana kan 13-anyos asin 12-anyos na mga biktima an salagan nin gamgam kaya nagsakat an mga ini sa sarong poon nin mangga sa laog kan Umalo Elementary School.
Aksidente suboot na pigduros an linya kan kuryente asin nagdukot sa kahoy na nagresulta sa pagkakakuryente kan duwang mga biktima.
Tulos man na idinalagan sa ospital an duwang biktima tanganing maipabulong.
Sigon ki Organis, tulos man na naggibo nin aksyon an mga paratukdo hale sa eskwelahan katakod kan pangyayari.
Katakod kaini, nagpagirumdom man si Organis sa mga magurang na bantayan an saindang mga aki urog na ngonyan na bakasyon.
