Tindero gadan makalihis na mahalnas asin maligis pa nin bus

NAGA CITY- Gadan an sarong tindero makalihis na maligis nin bus sa banwaan nin Pili, Camarines Sur.

Binisto an nagadan na si Alexis Nieva.

Sa pakikipag-olay kan Bombo Radyo Naga ki PC/Insp. Chito Oyardo, hepe kan PNP Pili, sinaysay kaini na malunad kuta na an biktima sa pampasaherong R. Volante Lines na minamaneho ni Reynaldo Berces tanganing magtinda nin pagkakan kan aksidente ining mahalnas asin mahulog.

Huli digdi, naligis pa nin rida kan bus an lawas kan biktima asin napasa pa suboot an payo kaini na nagresulta sa saiyang kagadanan.

Nagtitinir na ngonyan sa kostudiya kan mga otoridad an driver nin bus mantang nagpapadagos an saindang imbestigasyon sa pangyayari.