Lalaki pinagbabadil gadan sa Lucena City

NAGA CITY- Pinagbabadil gadan an sarong lalaki mantang pauli na siya sa saindang harong sa ciudad nin Lucena.

Binisto an biktima na si Nomer Santoc, 36-anyos.

Sa nakuang impormasyon kan Bombo Radyo Naga, napag-araman na naglalakaw an biktima sa barangay Marketview sa nasambitang ciudad kan bigla na sana siyang pagbabadilon kan suspek na si Christian Aquino na nagresulta sa saiyang tulos na kagadanan.

Nagpapadagos pa hasta sa ngonyan an operasyon kan mga otoridad tanganing madakop an nagdulag na suspetsado.