NAGA CITY- Binadil kan sarong lalaki an saiyang sadiri huli suboot sa saiyang helang na hika sa banwaan nin Libmanan, Camarines Sur.
Binisto an nagadan na si Jaime Realosa Jr., 43-anyos.
Sa pakikipag-olay kan Bombo Radyo Naga ki PO2 Emy Rose Organis, tagapagtaram kan PNP Libmanan, sinaysay kaini na nadukayan na sana an duguan na bangkay kan nasambitang lalaki sa laog nin sarong kubo sa barangay Malansad Nuevo sa parehong banwaan.
Binadil suboot ni Realosa an saiyang payo gamit an sarong caliber 38 revolver.
Sigon ki Organis, igwang helang na hika si Realosa kaya man ini an tinutukdong rason sa saiyang paghuhugot.
Napag-araman na haloy na suboot na nagpapamate na mawot ng magadan kan nasambitang lalaki alagad dae ini pinansin kan saiyang mga kaparyente.
