NAGA CITY- Gadan an sarong lolo makalihis na aksidenteng mabangga nin sarong motorsiklo sa Pili, Camarines Sur.
Binisto an nagadan na si Santiago Valleno, 63-anyos.
Sa nakuang impormasyon kan Bombo Radyo Naga, napag-araman na pabalyo kuta na sa tinampo sa barangay Palestina sa nasambitang banwaan an biktima kan bigla ining mabangga kan motorsiklo na minameho ni Mark Ian Espela, 25-anyos.
Nagsapo nin lugad sa saiyang lawas an nasambitang gurang na tulos man pigdalagan sa ospital alagad pigdeklarar na ining dead on arrival kan mga doktor.
Advertisement
Nagtitinir naman sa kostudiya kan mga otoridad an suspek mantang inaandam na an kasong isasangat laban sa saiya.
Advertisement
