Lolo gadan makalihis na mahagop nin van sa CamNorte

NAGA CITY- Dae na nag-abot pa nin buhay sa ospital an sarong lolo makalihis na maaksidente sa Sta Elena, Camarines Norte.

Binisto an nagadan na si Dominador Macayan, 76-anyos.

Nagbabalyo sa tinampo sa barangay Poblacion an biktima kan aksidente ining mahagop nin sarong van na minamaneho ni Reynaldo Salva, 65-anyos.

Huli sa kusog nin pagkakabangga, nagkaturumba pa suboot an biktima sa tinampo asin nagsapo nin lugad sa saiyang lawas na tulos man pigdalagan sa ospital alagad pigdeklarar na ining dead on arrival kan mga doktor.

Nasa kostudiya na kan mga otoridad an driver kan nasambitang van mantang nagpapadagos an imbestigasyon sa pangyayari.