2 gadan sa magkasuway na insidente nin pagkalamos sa Quezon

NAGA CITY- Mayo na nin buhay kan madukayan an lawas nin sarong lalaki makalihis na malamos sa ciudad nin Lucena.

Binisto an nagadan na si William Villanueva, 57-anyos.

Sa nakuang impormasyon kan Bombo Radyo Naga, napag-araman na nadukayan na sana an bangkay kan nasambitang lalaki sa baybayon sa barangay Dalahican asin pigtutubudang na nalamos ini.

Mientrastanto, gadan man si Rodolfo Lat, 66-anyos makalihis na mahulog asin malamos sa nag-collapse na sarong bubon sa Catanauan, Quezon.

Pigpapatintiran na ngonyan an bangkay kan nasambitang lalaki sa sarong punerarya sa lugar.