Ex-AFP Member, gadan sa aksidente sa CamNorte

NAGA CITY- Gadan an sarong dating miyembro kan Armed Forces of the Philippines (AFP) makalihis an nangyaring aksidente sa Basud, Camarines Norte.

Binisto an nagadan na si Arsenio de Leon, 54-anyos, dating miyembro kan AFP.

Sa nakuang impormasyon kan Bombo Radyo Naga, napag-araman na nagbabalyo suboot an biktima sa tinampo sa barangay San Felipe kan aksidente ining mabangga kan closed van na minamaneho ni Jay-Ar Marilag.

Nagsapo nin lugad sa saiyang lawas an biktima na naidalagan pa kuta na sa ospital alagad binawian man sana ini nin buhay mantang pigbubulong kan mga doktor.

Nagtitinir na sa kostudiya kan mga otoridad an nasambitang driver kan van mantang nagpapadagos pa an imbestigasyon sa pangyayari.