NAGA CITY- Liwat na naman na nagbungkaras an sarong engkwentro sa pag-ultanan kan rebeldeng grupo asin kan tropa kan gobyerno sa banwaan nin Del Gallego, Camarines Sur.
Sa entrevista kan Bombo Radyo Naga ki PS/Insp. Ryan Bagasala, hepe kan PNP Del Gallego, sinaysay kaini na nagkokondusir nin strike operation an mga soldados hale sa 92nd Division Reconnaissance Company kan maka-engkwentro kan mga ini an pigkakarkulong 40 mga NPA sa barangay Bagong Silang.
Mayo man nairehistrong nairido sa tropa kan gobyerno mantang inaaram pa kan mga otoridad kun igwang nairido sa lado kan rebelde huli naman sa nahiling na mga dugo sa pinangyarihan kan bakbakan.
Sa ngonyan, padagos pa an pigkokondusir na operasyon kan mga militar asin kan kapulisan tanganing kapagon an nagdulag na mga miyembro kan rebeldeng grupo.
