NAGA CITY- Sa karsel an bagsak nin sarong babae mantang nagtitinir pang at large an saiyang agom na imbwelto sa transaksyon nin pigpapangalad na bulong sa ciudad nin Naga.
Sigon ki PS/Supt. Julius Muñez, city director kan Naga City Police Office (NCPO) sinaysay kaini na pigkondusir an buy-bust operation sa Zone 7, Sagrada Familia, Barangay
Peñafrancia, alas-12:30 nin udto suodma.
Naarestar digdi si Edna Austria mantang nakadulag man an saiyang agom na si Roman.
Sigon ki Muñez, haloy na nindang pigmamanmanan an mag-agom na enot ng nagsuko sa mga otoridad alagad nagbwelta man giraray sa saidang iligal na mga transaksyon.
Nagtitinir na ngonyan sa kostudiya kan mga otoridad an nasambitang babaeng suspek mantang inaandam na an kasong isasangat laban sa saiya.
Padagos pa man an pigkokondusir na operasyon kan mga kapulisan tanganing madakop an nagdulag na saro pang suspetsado.
