Lalaking 5 aldaw nang nawawara, naaagnas na kan madukayan sa CamSur

NAGA CITY- Naaagnas na kan madukayan an hawak kan sarong lalaki na haros limang aldaw nang pinaghahanap kan saiyang pamilya sa Pili, Camarines Sur.

Binisto an biktimang si Eduardo Sumayao, 66-anyos.

Sa intrevista kan Bombo Radyo Naga ki PC/Insp. Chito Oyardo, hepe kan Pili-PNP, sinaysay kaini na nadukayan na sana an hawak kan biktima sa tahaw kan tubuhan sa Barangay Del Rosario.

Basado suboot sa resulta kan isinagibong otopisya kan mga otoridad, nagluluwas na tinuok an biktima na nagresulta sa saiyang tulos na pagkagadan.

Segun ki Oyardo, igwa na sinda pighihiling na anggulo sa pagkagadan kan nasambitan na biktima.