NAGA CITY- Nakaandam an lado ni Vice President Leni Robredo na ipahiling an maninigong mga dokomento manungod sa Statement of Assets, Liabilities and Net worth (SALN) kan opisyal.
Sa entrevista kan Bombo Radyo Naga ki Georgina Hernandez, tagapagtaram kan bise presidente, sinaysay kaini na nakaandam sinda ipahiling an maninigong mga dokomento asin ebidensya manungod sa nakabugtak sa SALN kan bise presidente.
Ini katakod kan sinasabing pag-ina nin haros P2 milyon sa net worth kan bise presidente poon kan magtukaw ini sa pwesto.
Enot pa kaini, sinaysay ni Hernandez na dakula an pigbayad kan lado ni Robredo sa Presidential Electoral Tribunal (PET) tanganing maipadagos an pigsunad na counter-protest kan bise presidente laban sa electoral protest ni dating Sen. Bongbong Marcos.
