Motorista irido makalihis na makaturog mantang nagmamaneho sa CamSur

NAGA CITY- Irido an sarong motorista makalihis an nangyaring aksidente sa Lagonoy, Camarines Sur.

Binisto an nairido na motorista na si Anjo Padayao, 34-anyos.

Sa nagunong impormasyon kan Bombo Radyo Naga, napag-araman na nakaturog si Padayao mantang nagmamaneho kan saiyang motorsiklo kaya man aksidente ining sumalpok sa nakaparadang motorsiklo sa barangay Agcata.

Tulos man na idinalagan sa ospital an nasambitang motorista tanganing maipabulong an saiyang pigsapong mga lugad.

Sa ngonyan, nagpapadagos pa an imbestigasyon kan mga kapulisan katakod kan nasambitang pangyayari.