6 irido sa salpukan nin tricycle asin motorsiklo sa Ragay

NAGA CITY- Irido an anom na persona makalihis an nangyaring salpukan nin tricycle asin motorsiklo sa Ragay, Camarines Sur.

Sa nakuang impormasyon kan Bombo Radyo Naga, napag-araman na binabagtas kan tricycle na minamaneho ni Jonnie Bondad, 31-anyos lunad an apat na pasahero kan bigla na sanang salpukon kan sarong motorsiklo na minamaneho ni Jorlie Arcilla an likudan na parte kan nasambitang lunadan.

Susog sa imbestigasyon kan mga kapulisan, nagluluwas na nakainom nin arak an driver kan motorsiklo kan mangyari an aksidente.

Nagsapo nin lugad sa saindang lawas an limang lunad kan tricycle siring man an driver kan motorsiklo na tulos man pigdalagan sa ospital tanganing maipabulong.