NAGA CITY-Natumtom an sarong harong sa Barangay Sto. Tomas, Magarao, Camarines Sur sa nangyaring kasulo pasado alas-9 nin umaga subago.
Sa entrevista kan Bombo Radyo Naga ki SFO2 Nelson Lumitao, napag-araman na pagsasadiri kan sarong Luis Jeremias an nasulong harong mantang sa saiyang mga tugang man an duwa pang mga harong na nadamay alagad partially damaged sana an mga ini.
Inaaram pa man ngonyan kan mga bombero kun saen posibleng nagpoon an kalayo.
Napag-araman na antes pa an kasulo, igwang naparong suboot an mga residente na garu nasusulong goma antes na nakadangog nin pagsabog hale sa harong ni Jeremias.
Haros sarong oras pa an naglihis antes na dagos na naideklarar na fire-out an kasulo.
Inaaram pa man kan mga otoridad an kabilugang danyos na pigwalat kan pangyayari.
