NAGA CITY- Naaktuhan na nagre-repack kan pinagtutubudang shabu an tolong persona sa pigkondusir na anti-illegal drug operation sa Daet, Camarines Norte.
Pigserbe kan mga kapulisan an search warrant sa harong kan pinagtutubudang drug suspect na si Nestor Acunin alyas Pilay, 62-anyos kan maaktuhan man na nag-re-repack kan droga sinda Manuel Nazareno, 43-anyos asin si Rena to Acunin, 33-anyos.
Huli digdi, inarestar na kan mga kapulisan an tolong mga suspek asin nakumpiskar sa pag-iingat kan mga ini an 13 sachet nin pinagtutubudang shabu.
Sa ngonyan, yaon na sa kostudiya kan mga kapulisan an nasambitang mga suspek mantang inaandam na an kasong isasangat laban sa mga ini.
Advertisement
Advertisement
