Burat na motorista irido kan makabudal sa tanker sa Camarines Sur

NAGA CITY- Irido an sarong motorista makalihis na aksidenteng makabudal sa sarong tanker sa Brgy. Caranan, Pasacao, Camarines Sur.

Binisto an biktima na si Albert Chavez, 32 anyos.

Sa entrevista kan Bombo Radyo Naga ki PO2 Ryan Dominguez kan Pasacao PNP, sinaysay kaini na mantang binabagtas ni Chavez an kalabaan kan tinampo sa Barangay Caranan kan aksidenteng makabudal ini sa sarong tanker.

Sinasabing burat an biktima mantang nagmamaneho nin motorsiklo kun kaya aksidente kaining nabangga an pasiko kuta ng tanker.

Nagsapo nin lugad sa saiyang payo si Chavez na tulos man na dinalagan sa ospital.