(UPDATE) NAGA CITY- Nanindugan an Philippine Coast Guard (PCG) Camarines Sur na dae ninda pigkokonsinte an paggamit kan saindang substation sa barangay Guijalo sa banwaan nin Caramoan, Camarines Sur komo saro suboot na drug den.
Sa entrevista kan Bombo Radyo Naga ki Lt. Marlowe Acevedo, station commander kan PCG-Camarines Sur, sinaysay kaini na magkakaigwa sinda ninda suway na imbestigasyon tanganing maaraman kun totoo an impormasyon na ginagamit suboot komo drug den an Guijalo station.
Sa tabang man suboot kan ikokondusir na imbestigasyon, matatawan nin pagkakataon an saindang ahensya para matawan nin linaw an nasambitang kontrobersiya.
Pigsierto man kan PCG-Camarines Sur na maninimbag asin matatawan nin maninigong penalidad an mga personahe ninda na posibleng imbwelto sa transaksyon kan iligal na droga.
Enot pa kaini, nagpaabot kan saiyang pagkadisganar si Acevedo makalihis na makasabit an saindang ahensya asin ginagamit pa suboot komo drug den an Guijalo Station sa nasambitang banwaan sa ipinaluwas na Caramoan Drug Matrix.
