NAGA CITY- Arestado an sarong lalaki na pigkokonsiderar na high value target kan mga kapulisan sa pigkondusir na operasyon sa Magarao, Camarines Sur.
Binisto an suspek na si Marvin Armendi, 38-anyos.
Nadakop an suspek kan pinagsarong pwersa kan PNP Magarao asin PNP Bombon sa lindong kan mandamiento de rekisa na pinaluwas ni Hon. Pablon Cabillan Formaran III, Executive Judge kan RTC 5 Branch 21, Naga City.
Narekober sa suspek an mga bala kan Caliber 38 na badil, limang plastic sachet nin pigtutubudang shabu asin mga drug paraphernalia.
Basado sa impormasyon hale sa mga kapulisan, nagtatrabaho suboot komo janitor si Armendi sa Magarao Central School.
Nagtitinir na ngonyan sa kostudiya kan mga kapulisan an suspek mantang inaandam na an suruon-suon na kasong isasangat laban sa saiya.
