2 irido sa pagkahulog nin delivery truck sa 30-feet na ampas sa CamNorte

NAGA CITY- Irido an duwang persona makalihis na mahulog sa ampas an sarong delivery truck sa Labo, Camarines Norte.

Sa entrevista kan Bombo Radyo Naga ki PO3 John Cedrick Aragola, hale sa PNP Labo, sinaysay kaini na mantang binabagtas suboot kan delivery truck an kalabaan kan tinampo sa barangay Bulhao kan bigla na sana ining mawaran nin preno asin aksidenteng nahulog sa 30-feet na ampas.

Pasiring kuta na sa banwaan nin Daet an nasambitang delivery truck kan mangyari an aksidente.

Sigon ki Aragola, nairido an driver asin pahinante na lunad kan nasambitang truck mantang napasa man an laog na mga energy drinks kaini.

Katakod kaini, nagpagirumdom man an PNP Labo sa mga drivers na magdoble ingat sa pagmamaneho kan saindang mga lunadan.