Lalaki gadan makalihis na pagtatagaon sa CamNorte

NAGA CITY- Gadan an sarong lalaki makalihis na pagtatagaon kan sarong lalaki sa Paracale, Camarines Norte.

Binisto an biktima na si Rogelio Chavez, 45-anyos.

Naapag-araman na nakiki-inuman an biktima kaibanan an saiyang duwa pang mga amigo sa Barangay Casalugan kan bigla na sanang maga-abot an suspek na si Roy Tapel, 40 anyos na igwang darang sundang.

Sa dae pa maaraman na rason, bigla na sanang pinagtataga kan suspek an biktima na nagresulta sa saiyang tulos na kagadanan.

Sa ngonyan, nagpapadagos pa an operasyon kan mga kapulisan tanganing madakop an nagdulag na suspetsado.