NAGA CITY- Tinawan doon kan mismong commander kan Southern Luzon Command (SolCom) na mayong nakakaabot sa saindang impormasyon manungod sa sinasabing presensya kan teroristang ISIS sa probinsya nin Camarines Norte.
Sigon ki Lt. Gen. Ferdinand Quidilla, commander kan SolCom, ipapaabot niya pa nanggad sa manhamiento kan 902nd Infantry Brigade na nakakasakop sa probinsya an nasambitang impormasyon.
Kinakaipuhan man suboot na mag-agi sa mararumang pag-aadal an manungod sa nasambitang presensya kan ISIS sa probinsya partikular na sa banwaan nin Labo.
Pigtuga man ni Quidilla na sa ngonyan, igwa pang walong mga barangay sa nasambitang banwaan an binabantayan kan mga militar.
Katakod kaini, bilog man an pagtubod kan opisyal na mas mababantayan pa kan 902IB an probinsya nin Camarines Norte huli sa mas pinahigot na paglaban sa mga rebelde.
Mientrastanto, sinaysay man ni Quidilla na komo saro sa mga gateway pasiring sa rehiyong Bicol, dapat na tabangan an probinsya Camarines Norte urog na pag-abot sa paglaban sa insurhensya.
