NAGA CITY- Gadan sarong 3-anyos na aking lalaki mantang irido man an duwang iba pa makalihis an nangyaring aksidente sa Catanauan, Quezon.
Binisto an nagadan si T-Jay Timbag, 3-anyos mantang irido man sinda Consolacion Padolina, 60-anyos asin si Jesus Padolina, 41-anyos.
Binabagtas suboot kan motorsiklo na minamaneho ni Jesus an kalabaan kan barangay Madulao kan mawaran ini nin kontrol sa bihikulo asin aksidente ining nagsalpok sa side railing kan tinampo.
Nagsapo nin lugad sa saiyang payo an 3-anyos na aking lalaki siring man an driver mantang nairido man an nasambitang lola.
Tulos na pigdalagan sa ospital an mga motorista alagad pigdeklarar ng dead on arrival kan mga doktor an menor de edad mantang pigbubulong man an duwang iba pa.
Sa ngonyan, padagos pa an imbestigasyon kan mga kapulisan katakod kan pangyayari.
