Mayhelang na lalaki, naghugot sa Quezon

NAGA CITY- Mayo na nin buhay kan madukayan an lawas nin sarong lalaki sa laog kan saindang harong sa Real, Quezon.

Binisto an nasambitang lalaki na si Fernando Bataller, 39-anyos.

Nadukayan na sana kan ina kan biktima an nakabitay na lawas kaini sa laog kan saindang harong sa barangay Cawayan gamit an sarong pisi.

Tulos man na pigdalagan sa opistal an lalaki alagad, pigdeklarar na ining dead on arrival kan mga doktor.

Basado sa inisyal na imbestigasyon kan mga kapulisan, naconfined sa ospital an biktima huli sa abdominal failure asin ini an pigtutukdong rason sa saiyang pagkagadan.