Magtugang, pinagsasaksak sa CamSur

NAGA CITY- Irido an magtugang makalihis na pagsasaksakon kan dae pa nabibistong suspetsado sa Tinambac, Camarines Sur.

Binisto an mga biktima na sinda Carlo, 21-anyos asin si Leonel Villaluz, 18-anyos.

Sa nakuang impormasyon kan Bombo Radyo Naga, napag-araman na bigla na sanang sinasaksak sa manlaen laeng parte kan saindang lawas an magtugang kan dae pa nabibistong lalaki.

Tulos man na pigdalagan sa ospital an magtugang na biktima para maipabulong.

Sa ngonyan, nagpapadagos pa an operasyon kan mga kapulisan para sa marikas na pagkakabistuhan asin pagkakadakop kan nakadulag na suspetsado.