Mag-bayaw, nagsaksakan mantang nasa inuman sa Buhi Cam Sur

NAGA CITY- Napuli sa saksakan an maogma kuta nang irinuman kan mag-bayaw sa Brgy. San Jose Baybayon, Buhi Camarines Sur.

Binisto an duwang persona na sinda Porferio Elaorza asin Victoe Catina. Basado sa nagunong impormasyon kan Bombo Radyo Naga, nasa irarum kan impluwensya kan arak sinda Elaorza asin Catina kan magkasimbagan ini asin magkua nin mga patarom na saindang ginamit sa pananaksak.

Digdi na nagsaksaksan an duwa na nagkawsa nin lugad sa saindang lawas.

Nagsapo si Elaorza nin lugad sa saiyang daghan mantang nagsapo man nin lugad sa kamot si Catina na tulos man na pigdalagan sa ospital.

Sa ngunyan padagos pa an imbestigasyon kan mga otoridad katakod kan nasambitan na insidente.