NAGA CITY– Gadan an sarong lalaki makalihis pagtarabangang saksakon kan tolong suspek sa Purok Tanglaw, Sitio Barera, Brgy 8, Lucena City.
Binisto an biktima na si Jethro Nathaniel Bravo, 24 anyos.
Sa nagnong impormasyon kan Bombo Radyo Naga napag araman na naglalakaw sana si Bravo sa nasambitan ng tinampo kan bagaton ini kan tolong suspek na sinda alyas Scot Amada, Lester De Leon asin si Noel De Leon asin tulos na pinagsasaksak an biktima.
Nagsirbing look-out sa nasambitan ng krimen sinda Lester asin Noel mantang si alyas Amada man an nagsaksak sa biktima.
Huli digdi, nagsapo nin lugad sa manlaenlaeng parte kan saiyang lawas an biktima na tulos idinalagan sa ospital alagad ideneklarar ining dead on arrival kan mga doktor.
Makalihis an pangyayare tulos man nagdulag an mga suspek dara an armas na ginamit sa nasambitan ng insidente.
Sa ngunian, nagpapadagos pa man an imbestigasyon kan mga otoridad sa pangyayare para sa posibleng pagkakadakop kan mga nagdurulag na suspek.
