Nakatalaan na aprubaran kan House of Representatives sa ika-tolong asin pinal na pagbasa an propwestong P7.2-T National Budget para sa 2027 antes magpoon an halos sarong bulan na Undas break. An Kamara asin Senado piglalaoman na mabalik sa sesyon sa Nobyembre 9.
An House Bill 10858 o an General Appropriations Bill pigrerepaso kan Appropriations Committee na pinangenotan ni Rep. Mikaela Suansing poon pa kan kabangaan kan Agosto.
Susog ki House Speaker Faustino Dy III, sisiguraduhon kan Kamara na an kwarta kan mga taxpayer ginagamit nin tama asin matalino. Pigsierto man ni Suansing an implementasyon kan dugang na safeguards sa paggamit asin pagrepaso kan pondo.
An budget sa edukasyon nagdanay sa P1.107-T, mantang dagdag na P10.055-B an itinagama para sa seguridad kan eskwelahan, inklusibong pag-adal, asin pagpahiwas kan access sa de kalidad na edukasyon.
Mientrastanto, nadugangan nin P12.23-Bs an budget sa salud, gikan sa P346.59-B nagin P358.82-B. Dugang na P2.10-B an itinagama para sa Tertiary Education Subsidy para sa mga estudyante sa kolehiyo.
