Panhahabon sa sarong boarding house sa Camarines Sur padagos na iniimbestigaran

NAGA CITY– Nagpapadagos ngunian an imbestigasyon kan mga otoridad manungod sa panhahabon sa Azañes Boarding House sa Zone 6, San Jose, Pili, Camarines Sur.

Sa nagunong impormasyon kan Bombo Radyo Naga napag araman na nadukayan na sanang raot an pinto kan nasambitan ng edificio asin duman napag araman na nahabunan na ini.

Sa inisyal na imbestigasyon kan mga otoridad, napag araman na nalalay kan dai pa nabibistadong suspetsado an sarong Ipod, laptop, charger asin duwang cellphone na nagkakantidad pukomas o menos P32,000 asin cash na nagkakantidad P10,340.

Sa ngunian, padagos pang inaaram kan mga otoridad an pagkakabisto kan nasambitan ng mga suspetsado.