Preparado an Calabanga National Science High School sa posibleng epekto kan labing init asin El Niño sa kamugtakan kan mga estudyante asin paratukdo.
Sa intrevista kan Bombo Radyo Naga kay Nerio Melano Sibulo III – Principal, Calabanga National Science High School, sinabi kaini na kabali sa mga preparasyon na piggigibo an pagdagdag nin mga bentilador na de-koryente asin kisame, padagos na pagbantay kan heat index asin kondisyon kan klase, asin pagmantenir nin supisyenteng suplay nin tubig.
An eskwelahan igwa man nin mga reservoir nin tubig bilang dagdag na suplay.
Dugang pa ni Sibulo na kun an heat index magin peligroso, an modular learning pwedeng iimplementar tanganing mamantenir an kaligtasan kan mga estudyante. Mapadagos man an shifting schedule bilang kasimbagan sa kakulangan nin classrooms.
Sa ibong kan labi-labing init, inasegurar kan pamayuhan kan eskwelahan na padagos nindang babantayan an kondisyon kan mga estudyante asin gigibuhon an kinakaipuhan na lakdang tangani na masiguro an ligtas asin areglado an pag-adal.
