NAGA CITY– Padagos pang pinaghahahanap kan mga otoridad an riding in tandem na naghabon sa sarong lolo sa San Antonio Crossing, Zone-2, Palestina, Pili, Camarines Sur.
Sa nagunong impormasyon kan Bombo Radyo Naga napag araman na binabagtas ni Oscar Pelin, 62 anyos lunad nin tricycle an kalabaan kan tinampo sa nasambitan lugar kan bigla ining bagaton kan duwang dai pa nabibistong suspek lunad nin motorsiklo.
Sa CCTV footage nahiling digdi na tulos nirapado nin kalibre 45-badil kan mga suspek an biktima asin nilalay an dara kaining kwarta.
Sa inisyal na imbestigasyon kan mga otoridad napag araman na nalalay kan mga dai pa nabibistong suspek an haros P6,000 asin wallet na may laog na importanteng dokumento.
Sa ngunian, nagpapadagos pa man an imbestigasyon kan mga otoridad sa insidente para sa posibleng pagkakabistuhan kan mga nagdulag na suspetsado.
