NAGA CITY– Napasakamot na kan mga otoridad an duwa sa anom na presong nakadulag gikan sa Laguna Provincial Jail kan nakaaging semana.
Sa nagunong impormasyon kan Bombo Radyo Naga gikan sa Laguna Action Center, napag araman na nadakop an mga inmates na sinda Rhandel Vale asin Romel Macaraig sa kinundusir na operasyon sa Barangay Pasong Buaya 1, Imus City Cavite.
Si Vale an nahahampang sa kasong Murder mantang kasong Carnapping at Illegal Possession of Explosives an kinakaatubang ni Macaraig.
An duwa an kaibahan sa anom na mga presong nakaluwas sa nasambitan ng pasilidad makalihis tutukan nin badil asin paputukan an mga jail guards.
Sa ngunian, nasa kustodiya na kan Provincial Intelligence Branch (PIB) kan Cavite Police Provincial Office an nasambitan ng mga inmates.
Meintrastanto, padagos man an ginigibong pagsusog kan tracking team sa apat na iba tanganing liwat na maibwelta sa nasambitan ng pasilidad.
