NAGA CITY-Pinag-aadalan ngonyan kan delegasyon kan probinsya nin Albay kun mapartisipar pa sa Palarong Bicol 2018 na gigibuhon sa ciudad nin Naga katakod kan nagpapadagos na pag-aalburuto kan Bulkang Mayon.
Ini an binuyagyag ni Naga City Mayor John Bongat sa entrevista kan Bombo Radyo Naga.
Sigon ki Bongat, nakaolay niya an nagkapira sa mga alkalde hale sa probinsya nin Albay asin sinaysay kan mga ini na pinag-iisipan pa ninda kun mapartisipar pa an saindang mga atleta sa nasambitang pkarawat ngonyan na taon.
Mientrastanto, aminado man an alkalde na dakula an magiging epekto sa line up kan mga delegates sa torneyo enkaso dae makapartisipar digdi an mga atleta hale sa probinsya nin Albay.
Sa ibong na lado, pigsierto man kan alkade kan host city na dagos na dagos na an karawat na mapuon sa Pebrero 3 hasta 10.
