3 irido kaibanan an sarong menor de edad makalihis na mahagop nin bus an kotse sa CamSur

NAGA CITY- Irido an tolong persona makalihis na mahagop nin sarong pampasaherong bus an sarong kotse sa Andaya Highway, Barangay Nagkalit, Del Gallego, Camarines Sur.

Sa nakuang impormasyon kan Bombo Radyo Naga, napag-araman na mantang pigbabagtas kan bus na minamaneho ni Freddie Belmonte, 43-anyos an kalabaan kan tinampo sa nasambitang lugar kan bigla kaining mahagop an kotse na minamaneho man ni Senando Saquijor , 63-anyos.

Huli digdi, nagsapo nin lugad sa manlaen laeng parte kan saindang lawas an mga pasahero kan kotse na si Marc Anthony Festejo, 30-anyos, Juness Gail Saquidor asing sarong 3-anyos na aki na tulos man pigdalagan sa ospital.

Sa ngonyan, nagpapadagos pa an imbestigasyon kan mga otoridad manungod sa nasambitang pangyayari.